Թումանյանի տարածաշրջանում այս ամառ հրդեհներ դեռևս չեն եղել: Հանրապետությունում ջերմաստիճանի կտրուկ բարձրացման հետևանքով ստեղծվել է հրդեհավտանգ իրավիճակ, - զգուշացնում է «Հայանտառ» պետական ոչ առևտրային կազմակերպության «Լալվարի անտառտնտեսություն» մասնաճյուղը: Հրդեհներից խուսափելու համար մասնագետները խորհուրդ են տալիս անտառային տարածքներում զերծ մնալ կրակ վառելուց, ծխախոտի մնացորդներ նետելուց, դյուրավառ նյութերի օգտագործումից: Այն մարդիկ, ովքեր կդառնան հրդեհների բռնկման մեղավոր, օրենքի սահմաններում պետք է պատժվեն: