Ուրբան կայուն զարգացման հիմնադրամի անկախ փորձագետ Արման Վերմիշյանը սեմինարի մասնակիցներին ներկայացնում է այն վտանգները, որոնք առաջ են գալիս պլաստիկ տարաների օգտագործումից և հորդորում ընդհանրապես հրաժարվել դրանցից: Դրա դեմ այժմ պայքարում են ամբողջ աշխարհում: Պլաստիկը պատրաստված է նավթից, այն 100-200 տարվա ընթացքում է քայքայվում և առաջ է բերում բազմաթիվ վտանգներ, դրա համար նույնիսկ կենցաղում այն օգտագործել չի կարելի: «Ուրբան կայուն զարգացման հիմնադրամն» Ալավերդիում փորձնական ծրագիր է սկսել, որը նախատեսում է պլաստիկ թափոնների տեսակավորում և վերամշակում: Դրա համար առաջին քայլերն Ալավերդու քաղաքապետարանի հետ համատեղ արդեն արվել է: Պատրաստվել են հատուկ աղբամաններ միայն պլաստիկ տարաների համար: Բնակիչներից պահանջվում է միայն պլաստիկն առանձին աղբամանի մեջ լցնել: Նախնական սոցիոլոգիական հարցումների համաձայն բնակիչների 80 տոկոսը պատրաստ է կենցաղային աղբը տեսակավորել: «Հանրային կրթություն հանուն շրջակա միջավայրի» ծրագիրը Հայաստանի Հանրապետությունում իրականացվում է առաջին անգամ: Ալավերդին ընտրվել է որպես փորձնական քաղաք, քանի որ ըստ ծրագրի պատասխանատուների ալավերդցիներն էկոլոգիապես ավելի կիրթ են: Անկախ փորձագետ Արման Վերմիշյանն ասում է, որ թափոնների տեսակավորումը ոչ միայն կնպաստի մաքուր միջավայր ունենալուն, այլ տնտեսապես շահութաբեր է: Փորձագետի խոսքով մինչ այժմ աղբի տեսակավորման մշակույթ չի եղել, դրա համար անհրաժեշտ է աշխատանք տանել նախակրթական ու կրթական հիմնարկներում: Ծրագրի մեկնարկի մասին ազդարարող քննարկման ժամանակ Ուրբան կայուն զարգացման հիմնադրամի փորձագետներ Արման Վերմիշյանն ու Հայաստան Ստեփանյանն ալավերդցիներին ներկայացրին այն վնասակար հետևանքների մասին, որոնք առաջ են գալիս պլաստիկ տարաների օգտագործումից: Դրանից բացի, նրանք խոսեցին նաև աղբի, մասնավորապես պլաստիկ տարաների վերամշակումից ստացվող օգուտների մասին: