Անցյալ տարվա ամառային շրջանի համեմատ Ալավերդիում աղիքային ինֆեկցիայի հատուկենտ դեպքեր են եղել՝ կապված պտուղ-բանջարեղենի օգտագործման սանիտարահիգիենիկ պայմանների խախտման հետ: Շոգ եղանակին մարդիկ պետք է չափազանց ուշադիր լինեն և պահպանեն սանիտարական պայմանները,- ասում է Ալավերդու բժշկական կենտրոնի վարակաբան Սուրեն Լալայանը: Պտուղ-բանջարեղենը հարկավոր է հոսող ջրի տակ լվանալ, խուսափել կրեմով թխվածքներից: Վարակաբանը խորհուրդ է տալիս նաև, ինչպես ընդունված է, ձմերուկ գնելիս չկտրել, այլ ամբողջական տուն տանել, լվանալ ու նոր կտրել: Սուրեն Լալայանը նշում է, որ, բարեբախտաբար, ինֆեկցիոն հիվանդությունների բռնկումներ չկան, քանի որ բժշկական կենտրոնի վերանորոգման հետ կապված սպասում են տեղափոխմանը: Այժմ աշխատում են առանց կոյուղու համակարգի, ինչը լուրջ դժվարություններ է ստեղծում: Տեղափոխման կոնկրետ ժամկետներ չկա, սակայն առայժմ ավարտվել է հիվանադնոցի վերանորոգման առաջին փուլը և սպասում են վերանորոգման երկրոդ փուլի մեկնարկին: