Ֆուտբոլի աշխարհի առաջնության մեկնարկի օրը մարզական տոն էր նաև Ալավերդիում: Սպորտի և երիտասարդության հարցերով նախարարության նախաձեռնությամբ մարզական փառատոններ են կազմակերպվել Հայաստանի մարզերում ու Արցախում: Ալավերդիում մարզական փառատոնն արդեն 3-րդ անգամ է տեղի ունենում: Կշռաքարի բարձրացում մարզաձևում ուժերը փորձելու համար նախապես հայտագրվել է 20 մարզիկ:Մարզաձևի մրցավար Գևորգ Չերքեզյանը վերլուծում է արդյունքներն ու հաճելիորեն զարմանում «Էյ-Սի-Փի» ընկերության աշխատակից Վահե Վարոսյանի պատրաստվածության ու ցուցաբերած արդյունքների վրա: Մարզադաշտի տարբեր հատվածներում ցուցադրական ելույթներով հանդես են եկել ազգային կոխի, բազկամարտի, մինի ֆուտբոլի , նարդու , շախմատի մասնակիցները:Ալավերդու քաղաքապետ Արթուր Նալբանդյանն ափսոսում է , որ ֆուտբոլ խաղալու համար նախապես հայտագրվել էր, սակայն առողջական խնդիրների պատճառով փառատոնին միայն որպես հանդիսատես մասնակցեց: Ընդհանուր առմամբ, մարզական փառատոնն անց է կացվել 7 մարզաձևերի գծով: Մարզերում և Լեռնային Ղարաբաղում անցկացվող մարզական փառատոնը նպտակ ունի նպաստել ֆիզկուլտուրայի և սպորտի մասսայականացմանը , ինչպես նաև համայնքերում ֆիզկուլտուրայի օրերի անցկացման ավանդույթի վերականգնմանը: